15. juni 2012 - Norske fyrtårn III
Kavringen fyr blei bygd i 1892 og ligg på Søndre Kavringdynge i vestre innseglingsleia til Oslo hamn. Til då hadde det vore to fyr i Oslo hamn, Heggholmen og Dyna. Desse låg i skipsløpet som frå gammalt av var hovudinnseglingsleia, men mot slutten av 1800-talet tok større skip til å føretrekkje vestre løpet mellom Kavringen og Hovedøya, rundt Vippetangen og inn til Bjørvika. Etter at DS Norge grunnstøytte ved Kavringen i 1890, vart det reist krav om at vestre løpet måtte bli betre opplyst. Berre to år seinare var Kavringen fyr ferdigbygd og sett i drift.
![NK 1821](/frimerker-til-samling/arkiv-frimerkeprogram-2012/15-juni-2012-norske-fyrtarn-III/_/attachment/inline/da4a5e91-189b-4be5-a2db-a1aff1c17d12:519253c30d7dcc20d478df944e569ac53b51300a/1821.jpg)
Fram til 1956 hadde fyrvaktaren på Dyna fyr også ansvaret for Kavringen. Då blei begge fyra automatiserte og fyrvaktarstillinga inndregen. Som ein del av markeringa av Oslos 1000-årsjubileum i 2000 blei ein tidskapsel av titan bolta fast inne i fyret på St. Hallvards dag, 15. mai. Kapselen er forma som ein kopi av lyktehusdelen av fyret og inneheld brev og helsingar til framtida frå osloborgarane. Kapselen kan først opnast i år 3000.
![NK 1822](/frimerker-til-samling/arkiv-frimerkeprogram-2012/15-juni-2012-norske-fyrtarn-III/_/attachment/inline/95020afd-1e0e-43de-acde-dde3a111b88a:631944d145c2a23a85b05f9b83e5385ee6d8c03d/1822.jpg)
Medfjordbåen er eit undervasskjer midt i Oslofjorden utanfor Slagentangen i Vestfold. Fyret her blei bygd og sett i drift i 1876. For deltakarane i den årlege Færderseilasen er Medfjordbåen eit kjent rundingsmerke på vegen mot Åsgårdstrand og Horten.
Fakta
NK 1821-1822
Utgjevingsdag: 15. juni 2012
Verdiar og motiv: A innland: Kavringen fyr
A innland: Medfjordbåen fyr
Foto: © Søren Rodriguez
Design: Benjamin Stenmarck, Neue Design Studio
Trykkmetode:Offset
Trykkeri: Joh. Enschedé Security Print