9. mai 2016 - Think Green (Europafrimerker)
Frimerka kan innlemmast i den «private» delen av kampanjen, som er retta mot deg og meg. Den har tre klare mål; minke, bruke om att og resirkulere.
![NK 1936](/frimerker-til-samling/arkiv-frimerkeprogram-2016/9-mai-2016-think-green-europafrimerker/_/attachment/inline/f7662f18-6d66-49fd-99b6-20a1f741bf10:0b9d8252037b350f39393bd59e462c58495367f9/1936.jpg)
Mindre forbruk gjev mindre søppel og vi treng betre daglege vanar for å minske ureininga og energibruken. Fleire og fleire har med seg pose til varene når dei handlar på butikken. Har du hugsa å slå av lyset på badet? Lista over vaner som kan endrast til det betre, er lang.
![NK 1937](/frimerker-til-samling/arkiv-frimerkeprogram-2016/9-mai-2016-think-green-europafrimerker/_/attachment/inline/1e67d23f-aa64-495c-a6bc-e1ba12131763:6bf942903beb9e7ec394b6db2ea43ec3e1efa56b/1937.jpg)
På klimatoppmøtet i Paris i desember 2015 vedtok ein at temperaturen i dette hundreåret ikkje skal stige med meir enn 2 grader, helst ikkje med meir enn 1,5 grad. No har alle land i verda sagt ja til å redusere klimagassutsleppa, med rapporteringsplikt kvart femte år etter 2018.
Vi som har levd ei stund har sett dette skiftet kome i kvardagen til folk. Vi sorterer søpla heime, syklar på jobb og tenkjer grønt på ein heilt annan måte enn før. Europa-frimerka i år er å sjå på som ei påminning om kor viktig dette prosjektet er.
Fakta
NK 1936-1937
Utgjevingsdag: 9. mai 2016
Verdiar og motiv: Kr 14,00: Think Green Kr 18,00: Think Green
Design: Kr 14,00: Enzo Finger Kr 18,00: Doxia Sergidou, Kypros (arr.: Enzo Finger)
Trykkmetode: Offset
Trykkeri: Joh. Enschedé Security Print